nevroz nedir mualicesi

Nevroz nədir, əlamətləri və müalicəsi necə aparılır?

04 İyun 2017

Nevroz nədir?

Nevroz orqanizmdə heç bir orqanik patologiya olmadan meydana çıxan bir pozuntudur. Əslində müasir tibbdə nevroz yox, daha çox nevrotik pozuntular, həyəcan pozuntuları, təşviş pozuntuları kimi sözlər işlədilməkdədir. Maraqlısı odur ki, nevrotik pozuntulardan əziyyət çəkən pasiyentlerin çox vaxt laborator, instrumental və radioloji müayinələrində heç bir dəyişiklik aşkar olunmur.

Nevrozun yaranma səbəbləri nələrdir?

Nevroz psixoloji, sosial, genetik ve bioloji səbəblərdən meydana çıxa bilər.

  • Psixoloji səbəb kimi pasiyentin uşaqlıq dövrünü normal yaşaya bilməməsi, ailədə münaqişələr və s. göstərmək olar.
  • Sosial səbəblərə isə maddi durumun yaxşı olmamasını, işsizlik və s. aid edilə bilər.
  • Bir çox xəstəliklərdə olduğu kimi nevrozda da genetik faktorlar özünü büruzə verməkdədir.
  • Nevrozun yaranmasında ən başlıca səbəb isə bioloji səbəbdir, yəni beyində serotonin maddəsinin (xoşbəxtlik hormonunun) səviyyəsinin aşağı düşməsidir.

Nevrozun hansı formaları var?

Bu patalogiyanın bir çox növləri vardır. Buraya aiddir:

  • Həyəcan nevrozu;
  • Obsessiv-kompulsiv nevroz;
  • Somatik nevroz;
  • Fobiyalar;
  • Postravmatik stress pozuntusu və s.

nevroz nədir

Nevrozun simptomları aşağıdakılardır:

  • Həyəcan;
  • Ürək döyüntülərinin sayının artması;
  • Kefsizlik;
  • Ruh düşkünlüyü;
  • Bəd xəbər eşitmə qorxusu;
  • Yorğunluq;
  • Yuxu və iştaha pozulmaları;
  • Bədənin müxtəlif nahiyələrində ağrılar;
  • Xəstəlik qorxusu;
  • Ölüm qorxusu;
  • Beyindən çıxmayan fikirlər ve hərəkətlər;
  • Patoloji səliqəlilik və s .

Xəstəliyin diaqnostikası necə aparılır?

Nevroz diaqnozunu qoymaq üçün pasiyentdən ətraflı anamnez toplamaq çox vaxt yetərli olur. Lakin bəzən qanda müəyyən parametrləri də yoxlamağa ehtiyac duyuruq.

Nevrozun müalicəsi

Nevrozların müalicəsi ən son protokollara uyğun olaraq pasiyentin yaşı,  yanaşı xəstəlikləri, çəkisi və s. nəzərə alınaraq fərdi qaydada aparılır. Effektiv müalicə aparmaq üçün ilk növbədə xəstəliyin yaranma səbəbini müəyyənləşdirmək lazımdır. Nevroza səbəb psixoloji gərginlik, özünəqapanma, təşvişli hiss-həyəcan olarsa, bu zaman müalicənin mütləq komponenti psixoterapiyadır. Həmçinin, sakitləşdirici texnikaların tətbiqi də müsbət təsir göstərir.

Nevrozla yaşamağa məhkum deyilsiniz, bunu həyat tərzinə çevirməyin. Vaxtında bizə müraciət etsəniz, düzgün müalicə ilə bu problemlərdən tamamilə qurtulacaqsınız.

YAZININ MÜƏLLİFİ

Nevroloq / Nevropatoloq Dr. Jalə Qarayeva

Nevroloq Dr. Jalə Qarayeva Türkiyə Respublikası Ankara Gazi Xəstəxanasının Nevrologiya kafedrasında ixtisaslaşmış və Azərbaycanda, Türkiyədə bir sıra konfrans, seminarlarda iştirak edərək bir çox sertifikatlarla təltif olunmuşdur.
Əlaqə telefonu: (050) 363 10 02

Digər yazılarımız

karpal tunel sindromu

Karpal Tunel sindromu

30 Mart 2016
Karpal tunel sindromu nədir və niyə yaranır? Daha çox yuxarı ətraflarda tunel sindromlarına rast gəlirik. Bazu kələfindən ayrılan…
narahat ayaqlar sindromu

Narahat ayaqlar sindromu (Restless Legs Syndrome)

01 May 2016
Narahat ayaqlar sindromu - yuxu və ya istirahət halında ayaqlarda olan narahatlıq, hərəkət etdirmə ehtiyacı, uyuşma, iynələnmə və…
eeq

EEQ nədir?

26 Mart 2016
EEQ - Elektroensefaloqrafiya zamanı saçlı dəriyə elektrodlar yerləşdirilir, sinir hüceyrələri tərəfindən həm oyanıqlıq, həm yuxu dövründə yaranan elektrik…
Üz sinirinin neyropatiyası

Üz sinirinin neyropatiyası

26 Mart 2016
Üz sinirinin neyropatiyası yayğın patalogiyalardandır. Üz siniri üz nahiyəsindəki mimikalar üçün əzələlərin hərəkətini təmin edir. Bu sinir beyindən…
kəkələmə

Kəkələmə – Nitq problemləri

26 Mart 2016
Kəkələmə nədir, formaları və müalicə üçün hansı ixtisaslı həkimə gedilməlidir? Kəkələmə - bir insanın damaq səsləri ilə başlayan…